八達通手機 只限Sony

本人就暫時唔會用, 因為跌咗部手機, 等於跌咗個錢包, 都係分開好 !

蘋果日報

呢排間間銀行都爭住推手機錢包，主要針對去超巿買二三百蚊嘢之類嘅小額支付巿場。作為本港小額支付龍頭嘅八達通，當然唔會由得啲銀行搶生意啦，噚日公司就同PCCW旗下香港電訊（6823）合作，推出流動支付服務，實行大反擊。

需用香港電訊

想體驗用手機「嘟」八達通，就先要成為香港電訊嘅客戶，再喺香港電訊買特定六款型號嘅Sony智能手機，就可以加入八達通流動支付服務。但其實依家三星 同蘋果已經雄霸本港手機市場，再加埋要指定電訊商，咁真正可以受惠嘅用家咪少之又少？八達通行政總裁張耀堂就大派定心丸，話未來會擴大服務至其他手機型號，依家積極研究緊。
試行期間，只會有5,000「張」八達通手機出台。同其他銀行流動支付服務唔同嘅係，手機八達通嘅支付系統係「Always On（經常啟動）」，用嘅時候唔使啟動任何手機程式或者輸入密碼，「隊」部手機埋八達通終端機，就可以畀錢㗎喇。