六成業主供滿樓 長實劈價擒換樓大軍

蘋果日報

【壹週刊】香港從來都是畸形都市，「有樓」定「無樓」，班友態度嘅差別，唔使多解釋啦。近十年，上車客永遠儲不夠首期，但上咗車嘅要換樓，原來好容易。

由長實牽頭發展嘅荃灣環宇海灣，以三房最平五百三十萬、呎價七千六蚊起，一招狠劈，撻着一批換樓大軍。

事實上，近三五七年，樓價愈升愈有，不少喺環宇睇樓的準買家，都喺舊樓住了多年，早已因物業升值而「發晒達」。要賣樓換樓，隨時可以套現三、五百萬做首期！ 政府數據亦顯示，全港有六成自置物業的業主、即達七十四萬戶，已無樓債在身，配合政府減辣、新盤劈價，勢將帶動近年罕有的樓市小陽春。