魚缸通：散戶吼兩焦點股中晒伏

on.cc東網專訊

恒指周一早間走勢反覆，客戶大多採取觀望態度，但部分都「中伏」。

致富證券大埔分行經理Gordon話，部分散戶「中伏」，因買了以下兩隻股：一隻是上市不久的易鑫集團(02858)，散戶以為接近8港元買值博，豈料周一早間跌勢未止，更下試發行價7.7元水平，大家唯有坐住艇先。另一隻是高鑫零售(06808)，大家以為公司獲淘寶中國購入股權有得炒，點知復牌波動過後一度急挫13%，最新跌幅收窄至不足3%，但都令9元樓上追入的散戶無奈要止蝕。

Gordon補充，都有部分客戶買中股份的，包括周一早間升逾14%的人和商業(01387)，早一兩日敢追的客都帳面有賺，而兩大強勢藍籌騰訊控股(00700)和中國平安(02318)，更帶挈不少客戶贏錢，部分選擇獲利開心計劃過聖誕。難怪他話散戶都稱「買QQ，冇撻Q」，任何一個位買入騰訊，基本上都有錢賺。