魚缸通：散戶去年賺近百萬 組團掃海味過肥年

on.cc東網專訊

仲有唔夠一個月就新年，係時候買新衫，辦年貨。2018年股市暢旺，散戶有無組團去掃海味？

致富證券大埔分行經理Gordon話，散戶真係計劃緊，佢哋諗住去上環海味街買定鮑魚花膠過年。佢靜靜雞講，炒開牛證同大價股嘅部分散戶，過去一年賺近百萬元，仲唔過肥年咩！

Gordon睇好大市，話個市唔高就假，但係再飆一啲都唔出奇。散戶早上有追入劵商股，包括耀才證券金融(01428)、申萬宏源(00218)及中信証券(06030)等，指大市成交量持續咁多，劵商點都要炒番轉勁嘅先得。

至於個市早上無咩力，唔少散戶決定先平牛仔，包括中國平安(02318)、騰訊控股(00700)及香港交易所(00388)。