暖包唔係人人啱 高危一族易灼傷

on.cc東網專訊

下周氣溫又再急降，要保暖除了穿上大衣、進食熱騰騰的食物，暖包亦是禦寒必備。不過，一旦誤用暖包，隨時會被灼傷。有皮膚科醫生教路，要在使用暖包時既保暖又安全，除要掌握暖包使用秘訣外，更重要是知道誰是容易中招的「高危一族」。

「有唔少人因為唔識用暖包，最終灼傷自己！」皮膚科專科醫生史泰祖指，一般暖包高溫可高達攝氏40度，不少更超過攝氏50度或以上，熱力足以灼傷皮膚，令到皮膚紅腫、出水泡，甚至皮膚壞死。要安全使用暖包，史泰祖有以下5項建議:

第一：幼童及長者屬高危

幼童及長者是使用暖包「高危一族」，故此要特別留神。因為他們警覺性較低，尤其是幼童，就算皮膚有灼傷感，亦不懂反應，「熱咗、痛咗都唔知」；至於老人家不時會貼着暖包瞌眼瞓，最終因暖包過熱而灼傷。

第二：切忌將暖包直接接觸皮膚

有暖包說明書會建議用家直接將暖包貼於皮膚上，熱力能直接傳到皮膚。然而，史泰祖醫生並不建議直接貼法：「暖包接觸嘅時間有幾長，同皮膚嘅距離，都有影響。」他表示，正確的做法應以衣物阻隔，例如放於外套的口袋或褲袋等，都可以避免灼傷。

第三：濕疹、皮膚發炎易灼傷

患濕疹、皮膚發炎人士，用暖包要特別小心。「皮膚發炎，角質層少咗、皮膚本身已經充血，皮膚本身抵抗力差咗，直接放暖包落去會更加容易灼傷。」

第四：患糖尿病、神經線疾病致靈敏度低

患糖尿病、神經線疾病人士，因感覺靈敏度較低，特別是手掌及腳掌，有機會被灼傷都不知道。「有糖尿病嘅病人，將隻腳放入熱水入面，都感覺唔到係熱水。」所以，使用暖包時，要特別注意。

第五：睡覺忌用暖包

「瞓着咗灼傷都未必知道」，有人為晚上保暖，會貼着暖包睡覺，其實亦屬不智，因為用暖包必須時刻保持警覺。

不過無論如何，用衣服保暖是最好的方法，另外暖包都是即用即棄「太唔環保」，所以史泰祖醫生認為情況許可下，可考慮使用可以循環再用的暖水袋。