京東劉強東有個心願：公司裏面再無人類？

on.cc東網專訊

香港人日做十粒鐘見怪不怪，有位CEO就話希望未來十年有AI幫手，員工只需每日工作2至3小時，舒舒服服返工，邊位CEO咁好？

話說京東商城董事會主席兼CEO劉強東早前喺西班牙舉行嘅2018世界零售業大會接受訪問時話，希望未來十年，京東員工數量減半，由現在16萬人減至8萬人，佢哋每日只需做幾粒鐘，全面實現「無人公司」，利用AI技術顛覆傳統管理同服務方式。

佢仲話，希望未來有一日，公司內再無人類，百分百由AI技術同機械人運作，從而令員工做更簡單、更有趣同低危險性嘅工作，但就有更多報酬。

不過，有樣嘢小記諗極都唔明，當公司裏面再無人類，咁呢間公司其實仲使唔使出糧？