2019年7月18日 星期四

7月21日銀族人盾

真有孝心/愛心, 推老人家去死............

你估玩麻鷹雞仔呀 ? 

打起上來警棍拳頭無眼的 !



老人家的思維:

「我地要大家一齊唔好交稅, 記住番去叫其他人都咁做呀,要佢回應五點訴求先交稅,要咁樣先逼到佢架。 我交稅比你虐待香港人呀?我比錢養你你打我啲後生? 個啲孫黎架嘛!」

唔交稅要罰錢的, 所以千萬唔好俾人誤導...........


「啲後生去打機行街唔好?你估好想出黎咁樣行呀?(遊行)你宜家搞到連咁多細路都要出黎,你個政府一定係有問題架喇! 」

點解一定是政府問題, 而唔係是後生仔的問題 ?


後生仔思維:

作為一個90後
英治 回歸 廿三條 沙士
呢個大概就係我既童年
當時既我乜都唔知唔識
淨係識食識玩
第一次政治干涉到我既身活我諗就係領滙
我由細食到大既茶餐廳 快餐店 文具舖 雜貨店
一間一間因為加租而結業
仲記得每次去食野
啲老闆 伙記永遠都會同你寒暄幾句
"冬0茶少甜少冰係咪?"
"今日唔洗返學阿?"
"女朋友阿?幾靚喎"
呢種人情味係集團式既食店已經揾唔返
第一次覺得原來幾年前既一個政策
影響咁深遠
到反國教 928 佔中
我已經有自己獨立既思想
係我第一次企出黎爭取自己既將來
果種感覺好實在
唔係唱k睇戲食飯比到你既感覺
為自己既將來拼搏 係唔會怕辛苦
可惜既係運動失敗
但喚醒左港獨 本土意識
開始有本土派既人參選
於是我登記做左選民
但無奈既係政府可以不擇手段咁將我地既代表一個一個DQ
我地仲有咩可以做到?
果一刻好悲憤 好絕望
開始計劃移民
亦有朋友已經去左唔同既地方生活
但係佢地口中得知
移民其實唔係想像中咁幸福
同一個文化背景 用同一堆潮語 講一樣既粗口
同聲同氣既人 原來係好珍貴
果種sense of belonging 係令人好安心
就係咁一直處於一個兩難既局面
留低乜都做唔到 離開乜都從頭黎過
好無力好困惑好迷惘
一直無希望咁行落去
抑鬱成為身邊每個人都有既病 唔再罕有
有人自殺唔再覺得可惜反而佩服佢地既勇氣
直至69
見到咁多人仲未放棄
我開始諗
點解我既屋企我無得話事?
你班人想點就點有無問過我?
我仲有咩可以輸
坐監咪坐監囉
到時入到去應該有好多同路人陪我
有案底咪有案底
當呢個社會個個都有案底
咁一個案底代表到啲咩?
我寧願入去坐 真真正正無自由
好過對住虛偽既假自由感恩
我寧願盡力而失敗 問心無愧
好過後悔自己無企出黎
每次企出黎 都覺得自己原來唔孤獨
大家守望相助 好有人情味 好有安全感
好想守護呢一班人
好想香港以後就係咁團結
第一次對香港咁有歸屬感
生係香港人 死係香港魂
tear gas 胡椒 橡膠彈 水炮 實彈有咩好怕
我最怕係香港既靈魂從此消失
最怕以後再揾唔返呢種歸屬感
講到尾都係得一個原因
我好愛香港

知外國不如香港好, 又知唔知你依家在摧毀香港 ?

坐監有案底毀自己前途, 自由何在 ?

5 則留言:

外星人 提到...

警察連維和部隊都唔放過?

Samuel 提到...

大批立法会暴徒已经逃去台湾,是不是早有准备呢?

路人甲 提到...

前面衝既走晒去呆灣, 就睇睇佢地收得幾多, 學侵侵話齋: 不喜歡這個地方, 就請你離去吧~
最好走多些, 樂見快些和平清靜!

simon740@ymail.com 提到...

錯!錯!錯!
係一群看見送中惡法,將影響香港法治,世界地位,令香港走向死亡!
佢地出來示威,表達惡法既惡果!影響未來下一代既自由和安居樂業!
但政府無動於終,繼續推惡法,"苛政猛於虎"
最後還被政治控告,迫害,最後只有離開香港!
最有效對抗不義政府,是對其不聞不問,對著幹,所有推行既政策都不參與!不要犯法,不要令政府有跡可尋,不要令政府知你在想什麼,做什麼!
-只要一個銀行戶口,處理日常開支,其他戶口全部取消,現金為皇,買實物金銀保護財富
-什麼醫保,保險全部不買;強積金轉到最低風險,不買任何基金股票,現實不買任何股票,債券...
-不買施人樓,只排隊申請公屋或買居屋,因市民有交稅,有權申請這幅利!



Lisa 提到...

歪理好明顯......