（喜訊）太子無人失蹤，無人死！！！

https://lihkg.com/thread/1537227/page/1

#1Fast1371•2 日前已經連續三日連登就住太子懷疑有人失蹤，有人死不斷洗版導致所有活動都沉底

進入正題，呢三日話太子有人死的來龍去脈如下

1. 831即日夜晚，黑警第一次將所有記者趕離現場

2. Live 片段直到黑警無差別襲擊市民後，就趕晒所有記者係閘口，即是話大家只見到黑警未到前傷者的情況

3. 即晚口耳相傳太子站傷者，兩三小時後運到荔枝角站，再轉到各大醫院

4. 8.31 要到差不多9.1早上3、4點大家都瞓晒之後，突然傳出一段無頭係尾的facebook 留言，話有兩個人死左，條屍已經直接送左返大陸，極大量疆屍帳户同P牌帳户呼應

5. 到差不多早上5、6點突然又有一個稱稱已FC的post講左兩個人的名（事後真FC係假）

6. （關鍵）同步連登被洗版，一堆相類似的舊post如英國婆婆，深水埗男仔等消失的舊post推晒上嚟，營造抗爭後有人失蹤無回音，係經常發生的

7. 9.1日頭時間，呢類post沉底、但到9.1夜晚10點左右又利用立場新聞，轉傳一段自稱來自於朋友的親戚係警司的Whatsapp, 話當日有人死，所以一早召呢個警局去開會諗點拆

8. 9.2日頭開始多左討論，然後同晚出現圍警署。9.2晚有路過學生係太子警署路過講一句就比人打6棍同拉，同埋又拉左幾個人

9. 9.2深夜又有第二輪影低自己醫護的相，話收到風個2個傷者直因為即場死亡，去左廣華醫院儉房。（已被證實係用之前聯署人的證件相改圖）同步另外傳一個Whatsapp 對話，自稱消房，話控制室收到call有10個傷者，最後得7個。[同步出現太子站一張相，就係有人放左白花係太子站。

10. 呢張相令到大家信以為真的機會很大，之後就連續9.3全日的post都環繞太子站失蹤人口事件，或死人事件，仲有行動post

11. 9.3號晚出現圍警署行動，又拉左好多人，黑警會追好多個站，巴士上面拉人（第一次）

12. 同日狂推普通死人的新聞，嘗試解釋就係呢3個“人”

*******************************

直到呢一刻的全相，大家以試試抽離返，用返正常人一般的分析，睇下見到啲乜？

1. 藍絲常用假新聞字眼，來容包括“請廣傳，手轉，轉比多啲人睇”，全部都有

2. 隱藏身份來源，什至乎無來源，包括朋友個朋友，朋友個親戚，親戚，朋友個老公/老婆，又中

3. 利用員工證件以加強說服力，再中（但P圖太差被證明為假）

4. 資訊來源一定要有官方人員呢一環，因為可以增加說服力，但同時又只會出現一個相關行業的說法

5. 營造傳聞的真實性，準備了獻花道具

6. 深夜推post, 疆屍account 同P牌

7. 同步推大量舊的，相似的post

8. 同步推大量普通死人案件，嘗試理順個故仔

9. 第一個出post的人， facebook 的人會極速消失於人群之中
**********************
要使得成個故仔合情理，需要以下技巧

1. 無限陰謀論

好處：令到所有官方的澄清都唔令人信服，結果落入無人能FC的狀態

2. 故仔內容係不能夠被FC( 核實）

好處：個故仔可以一直吹落去，大家沒完沒了搵新嘢攪，憤怒完全轉移

3. 利用敵方媒體 （立場新聞，連登）

好處： 假新聞病毒可以快速在敵方陣營散播

*********************
係時候要踢爆呢類假新聞/假消息來源的理據：

1. 第一個開post的人，掉低左將相然後走人。極不合理，如果你知道咁爆的消息，竟然唔係搵記者，搵議員，而係先放上一個假facebook account, 然後轉上嚟連登？乜連登會幫到手？

然後，既然覺得連登幫到手，咁點解所有post的樓主都唔覆人的查詢？係因為假新聞，所以唔夠膽覆，驚愈答愈錯。

2. 已經先後踢爆最初兩個人名係假，同假的職員證，當死兩個被踢爆之後，又改口變成三個，如果死人事實係真，點解接二連三搵到假post，呢個更加證明成件事係一個安排好的假新聞post

3. 疆屍account 同P牌account 係個幾個post極速佔據頭100個留言，之後快速上熱門，然後消失，真係咁巧合？個幾個關鍵post都係呢種模式

4. 獻花相極離奇，同網傳警司的流言時間極接近，幾乎係同步，當新聞無，各大議員facebook 無，網台都無講死人，但偏偏連登獨自煲大的同時間有人獻花，有無咁巧合

5. 救護員唔止一個，而且黃絲亦唔止一個，點解得一個救護員的Whatsapp 說話會流出？而無人反證到？因為係假的，所以未無人反證到囉。
同理，如果死人，點會警司就夠級數開會點拆？？最少都要處長級先有權點樣拆，一個小小警司有份開會。

6. 以往，有咩示威者被打，被射盲眼的真新聞，班無腦藍屍，或者冷血黑警拍曬手掌狂開post。今次死人，仲唔燒炮仗慶祝？？？但呢次有無？係一個都無！

7. 點解用散播陰謀論，因為可以令到所有官方式的澄清無效，之前的post都話，就算有CCTV都唔會信，因為段片都可以係假。咁就可以令大家一直花時間搵落去。

8. 每次被踢爆假post, 就會有第二個流言傳出，第一個post樓主逃之夭夭

9. 去到尋日，我就覺得成單新聞就係假新聞，就係一大堆死人的post, 由西貢女仔死亡的新聞開始洗版，希望計好3個人數，等大家可以繼續花時間查落去。可惜，尋日有4單死人新聞推左上嚟，結果個故仔講唔到落去。

*************
去到呢一刻，咁多證據證明成件事都係假新聞的機會極高，咁點解要攪到咁大？

因為“有心人”想大家利用假死人新聞，希望大家升級，或製造“有心人”升級的劇本。

由於下星期，香港人權法案就快推出，有心人想攞香港人人道問題做籌碼，所以想盡快升級場面，咁樣黑警就可以加大血腥鎮壓，什至令手捉真死亡。

大家而家搵緊三個永遠都辦法證明真假存在的手捉：

1. 結果連續兩晚太子站送頭
2. 大量有用post被推走
3. 花大量時間搵不存在的證據，什至乎想向連登以外的同溫層推出去
4. 831黑警血腥無差別攻擊，無人跟進

大家真正要停一停，諗一諗而家做緊啲咩，係咪被人操控風向

825後五毛轉左打法，極大量假新聞，大家更應留言所謂流言，五毛帶風向post特色必然需要疆屍account 同P牌，如果見到一個Post頭100個留言有呢種模式，必須打醒12分鐘精神