鍵盤戰士最新新任務，一齊瓦解藍絲！

https://lihkg.com/thread/1488569/page/1

#1暴走小紅帽•13 小時前

要瓦解敵人，最好方法就係分化對手，等佢地自己打自己。
由運動一開始，敵人就開始想分化我地，學生同大人，勇武同和理非，我地點解唔以其人之道還治其人之身？要分化對手，比想象容易，大家一齊集思廣益，我係度拋幾舊磚先。

1. 要分化對手，要先將對手分類同標籤，例如撐政府同撐警察、暴力派同溫和派。分類後要不停標籤對手，加埋搞D投票，就可以令對方自己跳入唔同派別度，例如出D POST係「對付暴徒的方式」，呢個可以將暴力派同溫和派分類，亦可以舉行投票「我撐警察但不撐政府、我撐警察但不支持建制派」等等，目的只有一個先將對手分類。

2. 分化就要不停煽風點火，甚至撩起火頭，等兩批人互相指罵。成功將敵人分類後，就可以係兩邊滲透打手不停煽風點火，不停指罵。例如之前何君堯同白衣人握手段片，應該立即扮演藍絲的溫和派同暴力派割蓆，另外之前建制派叫政府應考慮撤回條例，我地就加鹽加醋，分化對手陣營。

3. 分化同時拉攏敵人，利用多D「我係一個藍絲」「我係一個警察」去造文章、錄音講故事，呢套方法無腦的藍絲最buy，加上佢地唔識fact check，更加容易蒙騙對手。連登都經常有「我每次都有發夢」「每次都企最前」既POST，內容係乜都唔重要，重點係好多人比like，但其實佢可以9吹係勇武派，根本冇人知。有職員證既post又係，講幾句幾大把人瘋傳，其實職員證乜都遮晒，要搵素材，或者搵個真係職員去9UP幾句有幾難？

我想講既係我地可以用好簡單既方法去分化對方，記住， 目標係分化對手，例如，我地可以係藍絲既page、forum、group 出post，開頭係「我係一個藍絲亦都係一個教師，我非常反對暴力，看見警察被攻擊我很心痛，點解政府唔出黎回應，仲要三番四次利用警察以暴力回應市民的訴求。」(加張乜乜大學職員證就又可以加強說服力)。開頭亦可以係「過往三次撐警活動，我都有出席，但係我今次真係忍唔住要講，我十分失望，點解我會見到在場有人派錢，點解會旅行團混入黎，我希望大家出席係真心為警察」之類等等。

提外話，之前大家整既長輩圖其實好有用，好易滲透藍絲的群組，大家唔好俾佢停呀！